كيكه الشاي من انواع الكيك السهله والبسيطه وايضا الموفره ،، ويمكن تقديمها كفطار للاطفال او يمكن ايضا تقديما للاطفال فى المدرسه بداخل علبه الطعام ،، علشان تعملى كيكه شاى هشه وجميله اتبعى طريقتى واحكمى بنفسك…..
محتويات المقالة
المكونات المطلوبه لتحضير كيكه الشاي
- عدد ٤ حبات من البيض
- ٢ كوب دقيق
- 3 ملاعق نشا
- كوب حليب
- كوب سكر
- ٣/٤ كوب زيت ( يفضل استخدام زيت نضيف ولا يفضل استخدام زيت التومين حتى لا يظهر طعمه فى الكيكه )
- معلقه صغيره فانيليا سائل او بودره
- باكو بيكنج بودر ( شخصيا استخدم كيك شيف فهو افضلهم لاعطاء نتيجه جيده )
- رشه صغير ملح
- معلقه صغيره خل
يمكنك ايضا الاطلاع على
تعرفى على عوامل نجاح الكيك ، كيف تعملى كيكه هشه ناجحه مظبوطه
طريقه تحضير كيك الشاي
- فى اناء غويض يوضع كلا من البيض والفانيليا والملح والخل معا ويضرب بالمضرب الكهربائي جيدا
- يضاف السكر ثم يضرب الخليط مره اخرى حتى يصبح قوام اصفر كريمي جميل
- يضاف الزيت واللبن بالتدريج مع استمرار الضرب
- فى اناء ينخل الدقيق والنشا والبيكنج بودر معا
- يضاف الدقيق على خليط البيض مع التقليب الدائرى من اسفل الى اعلى ويقلب باستخدام اسباتيولا او مضرب سلك بهدوء جدا
- يوضع الخليط فى صينيه متوسطه الحجم حوالى ٣٠ سم مدهونه بسمنه
- توضع الصينيه فى الفرن على درجه حراره متوسطه مع مراعاه تسخين الفرن من بدايه تجهيز الكيك
- تترك فى الفرن لمده نصف ساعه او حتى تظهر رائحتها وتختبر الكيك حتى تمام نضجها
